Asfuggel n yennayer di tudrin d temdinin

Ansay Yennayer Ansayen

Aseggas ameggaz 2976

YENNAYER N TUMERT D TALWIT

---

Yennayer ad d-yas ass n letnayen zdat-neɣ, imensi-nes d ass n lḥed, neqqar "zwir-as, neɣ gri-yas", acku ur tezmireḍ ara ad tezluḍ ayaziḍ ass-n umenzu n yennayer, ad tezluḍ send n wass amenzu, neɣ ar deqqal, akka i yella deg wansay, akka i d-ttallsen fell-as imaziɣen yessnen azal n Yennayer.

Di Yennayer yal wa d ayen izellu n iyuzaḍ, yal wa d tazmert-is, wa izellu yiwen n uyaziḍ, wa sin, wa izellu, yal aɛeggal s uyaziḍ. Ttagan imensi s seksu d uyaziḍ, s ssebɛa n iseqiyen(lɛeds, lḥemmeẓ, lubyan leqbayen, tajilbant, ibawen yebrin, ). tamɣart n wexxam, diɣen, tesrusuy cwiṭ n tuččit di tɣemṛay n wexxam, i yibelɛac, d lfal yelhan di yennayer, i wakken ad yelhu useggas, ad yagar reẓq. Arrac n taddart tturaren s ibuɛfifen, suturen-d tamellat n tezwiq, deg iḍ ar deqqal n imensi. Yennayer zik akka i t-sfuggulen deg tudrin n leqbayel, cwiṭ kan ma izad neɣ ixuṣ di taddart ɣer tayeḍ. Wamma ayen i d-serseɣ dagi yella di yal taddart, ladɣa di tama n Timizar neɣ at Jennad. Ula di teqbilin nniḍen akka i d-qqaren sfuggulent zik neɣ tura.

Akka ara naf sfuggulent di yal tama n tmurt n Lezzayer, dɣa di tama n ceṛq ɣer Icawiyen, di tama n yimẓqabiyen,  ula deg utaram n tmurt sfuggulent, ladɣa akken i d-qqaren d Tilimsan.  Di temnaḍin i d-bedreɣ rennun kra n iḥtufen nniḍen yecban tiḥlawatin d latay d wayen iṭṭafaṛen tiẓidanin. 

Amar Tafat 

---

Init-d acu twalam s uwennit