Seg ul zeddigen: ammud n tmedyezt tirawt n Amar Tafat

Publié le 24 janvier 2026

---

Tamedyezt tirawt n Amar Tafat

Seg ul zeddigen

Ammud-a ɣur-s sebɛa n isefra, ur yelli d adlis, maca d tasɣunt kan tamecṭṭuḥt. Bɣiɣ kan ad d-rnuɣ ammud-a ɣer tmedyezt tirawt, imi yeffeɣ-d yagi s webrid ameslaw s wezwel « Seg ul zeddigen » di 15 nwambeṛ 2025, ahat llan wid d tid i as-yeslan. Udem-a n tiraw s wazal-is imi llan wigad d tigad iḥemmlen ad ɣɣren isefra n tirawt, ad asen-neddu di lebɣi. Di teswiɛt-a daya kan i d-yeffɣen d amaynut, ar deqqal n wammud i d-suffɣeɣ ɣef site agi, 26 dujembeṛ 2025 s wezwel « Awal n umedyaz » d isefra n iseggasen n 1990 d asawen. Ur ttɛeṭṭileɣ ara, ar deqqal, ad d-suffɣeɣ adlis nniḍen n tmedyezt d ameqqran deg ara d-jemmɛeɣ isefra i uriɣ d imaynuten, ɣas llan ffɣen-d deg ubidyu, ad ten-id-rreɣ ɣer tirawt. Sarmeɣ-awen s utama taɣuri yelhan a tid d wid ittɛuzun tamedyezt-iw.

---

Tajmilt i yimyura

Neɣra-d ɣer wagad yuran Seg zik mi nella mezẓiyit D ungal neɣ d tamedyezt Yal amaru nεuzz-it Lmulud n At Mεemmeṛ Ayen yura ayackit Neɣ Lmulud Ferεun S yiḍṛisen zeddigit D imaziɣen neɣ d ijenṭaḍen Yal wa yewwi-d tinigit Yal yiwen s tarrayt-is Am win ittxiḍin s tsegnit Nettmagar afeṣel igerzen D tira n wawal am zzit Newwi-d ɣer-sen agerruj Akud ma nexṣeṛ-it Nerna-d afud i tezmert Nettban amzun meqqerit Win ɣ-issnen yumer yiss-neɣ Ittṛaǧu seg-neɣ tanfalit Yak wa d abrid n tmussni Mačči d qeḍṛan d lḥentit Eɣɣer idlisen ay uḥdiq Ad tt-kesbeḍ tazemnit Ma triḍ ula d kečč ad taruḍ Asekkil ḥemmel-it Ad tuɣaleḍ d amaru Ayen iwatan nadi-t Zewwer-as agbur iǧehden Yiwen ma yessen-it Uḥdiq iεuzen tifyar Taɣuri tḥemmel-it Yiwen am kečč d wayeḍ am nek Tutlayt terfed-it Ad tt-nerfed s yimura As-nekkes tiseɣlit Maεlum d tutlayt-nneɣ D iman n tnaṣlit

— 2 —

---

Ussan yelhan

Ussan yelhan nesεedda Ɛeddan uɣalen d amekti Neqqar-asen d aktayen Nettmekti-d igan lεali Ayen yesεan anamek iban Ẓṛan-t medden irkelli Ḥedṛen irkel mi nṣeggem Yal wa deg-sen d inigi Γas εeddan wussan ṛuḥen Mazal-iten d asmekti Sεan amkan anda qqimen Azal-nsen yettnerni Yal uḥdiq yettaga leqrar I wayen illan d lεali Wid iḥemmlen amezruy Yiss-n i tbedd tmussni Ma nella ɣer imegziyen Wayeḍ ur yeqqar xaṭi

— 3 —

---

Iḥulfan

Ayen ḥulfaɣ ad t-id-iniɣ Ur s-qqaret acimi Yak d asefru iṣeggem Mačči d awal n diri Asefru yettṛaǧut wuḥdiq Imi d awal lεali W'ur neẓṛi εetbeɣ fell-as Izmer ad iyi-d-iseqsi D iseggasen aya i bdiɣ Ur yelli kan d ass-agi Mačči iḍelli i sefruyeɣ Bdiɣ-tt-id di temẓi Am win iran ixeddim Yuɣal-as d tanumi Uṛeɣ ittas-d s laεtab Mačči s tguni Susem kan ur skerkis A win ur neẓṛi Ixeddim yellan seg ul Yezga yettnerni Ma tekkreḍ-as i cɣel Yettεawan Ṛebbi Ad d-iniɣ asefru seg ul Ad yili d inigi D aḥulfu neɣ d tajmilt Deg-s tamussni Win s-islan deg-s ad yawi Tugna d tikti Γer ɣur-s ad ittuɣal Ad a t-ittcedhi In'as d ac'i d asefru Sikked ɣer lemri Ayen i as-yellan deg ul Ad t-id-imekti Wa d asirem n umedyaz D wayen ittmenni Imeɣriyen ad t-ttwalin Abḥal n yitri Netta d imeddukal-is Ṭlam ur yettili

— 4 —

---

Tawennaḍṭ

Telha tezdeg deg Iberdan Diri win isamasen Yal amdan ad iḥader Imi d ayen ara iḍuṛṛen Ma ur zeddiget twennaḍt Ur illa i d-iqqimen Ad as-qqaren "muqel kan!" Ttidiren gar wafrasen Mi ara teddun deg ubrid Ad d-ttafen iqerεiwen Yal abrid sersen-as ayla-s Ulac abrid izegglen Ammus yesεa amihi I d-ittawi d aṭanen Yelha laεqel d lmaεqul I widak i tt-ixeddmen Iwata ad nbeddel tikli Ad nilit d wid ifehmen Ad nettmeyyiz akk naεdel Ad nilit am uḥdiqen Yal ammus yesεa amkan Iban anda t-srusen As-tesuddseḍ ttawil Mačči deg umkan zeddigen Ma zeddiget twennaḍt D ayen akk ara ɣ-inefεen Ma ulac aɣ-awin d awal Ad ddun wid zeddigen Amedyaz yenna-yawen-d Dayen ilhan ay atmaten Ṛṛay tebɣam ad yili kan Tura teqqim-d ar ɣur-wen

— 5 —

---

Aɛaned

Yelha uεaned nezzeh Ma yella ɣer wayen ilhan Ma yella ɣer wayen n ddir Anef kan susem kan Ma ɣer wid iserwaten Atan ikellex-ik zman Acu lfayda ara d-tawiḍ Anda εussen iselwan Ssikked mliḥ lldi allen-ik Amek ara k-lhun wussan Ɛaned kan ur t-ttḥessid Am wakken i d-nnan Ǧǧan-t-id at zik yessnen Yesεa azal d ayen kan Win yettnadin taqbaylit Attan deg yinzan Win ittnadin ad yissin Abrid ad as-iban Ɛaned ɣer wayen irebḥen Ad tesεuḍ amkan Ad tawḍeḍ s anda iwata Am kečč am wid yellan Ur s-yeqqar yiwen d ulac As-yini d argaz yeswan Ma iṛuḥ-ak ugerruj zdat-k Am win issikkiden kan S tebɣest qerreb ɣer ɣur-s Ɛemmeṛ-d ayen iwatan Ili-k am wid akk iḥedqen Send ad k-ifat lawan Ma yeǧǧa-k yiseɣ gar medden Ḥṣu d kečč i yebɣan Ma d win ur nezmir aḥlil Neẓṛa meskin ur yuksan Ur yezmir yiwen ad yesεu Ala ayen i das-yuran S anda twehhaḍ iman-ik Ad tawḍeḍ ɣer din-a kan

— 6 —

---

Xdem ayen ilhan

Xdem ayen ilhan am uḥdiq Ur ttεanad ɣer yilem Ḥṣu d anwa i d llaṣel-ik Ssnen-k medden d lfahem Ur tteffeɣ deg ubrid n yiseɣ Deg iman-ik ur ttezzem Ma tɣeṣbeḍ tewwiḍ ẓweṛ Ur ttazgar ɣef medden Eg azal i wemdan am kečč Ur ttnadi ɣef lhem Ur ttkal ɣef uḥbib s waṭas Ma yeεya ad inddem Anda akken i d-tesbuḥteḍ Uḥdiq din-a i d-yezdem Mačči d ctat i ywaεṛen Iwεeṛ ma k-id-iḥeccem

— 7 —

---

Tizizwa

Tizizwa ttarwent tamemt Tuɣal d ddwa i medden Ttezzint kra yekka wass Gemrent-tt-id deg ijeǧigen Fernent ula d imukan Ḥemmlent amkan zeddigen Bḍant ixeddim-nsent Llant tid itteffɣen Tidak yellan di teɣrast Tid-nni d tid iẓeṭṭen Llant ula ɣef tewwurt Tid-nni d tid iεussen

— 8 —

---

Ammud n yisefra  s webrid ameslaw

---

_{© Tous droits réservés – Lecture autorisée, partage permis avec mention de la source. Reproduction, téléchargement ou utilisation commerciale interdits.}