Itri n tmazɣa - asefru n tejmilt

✦

✦

Itri n tmazɣa

seg wedlis: Awal n umedyaz

Tajmilt i Dda Lmulud

A d-nemmektit ay atmaten Wid nni yṛuḥen Ǧğan-aγ-id tisura Wid nni yettmeyizen Widak a medden Yettḥebbiṛen i taggara γur-sen ameslay ẓiden Winn' akken iweznen D ufrin mačči d akwerfa. Imeslayen-nsen Amzun d iḍṛisen Ɣas heggi-d imru i tira Dda Lmulud yiwen deg-sen Seg ymussnawen A s-nessiweḍ ṛṛeḥma. Yura γef Imaziγen Amezruy-nsen Nett' i γ-d-yellin tiwwura Yesssekfel-d ayen yessen Imru-ines yuzzlen Tajeṛṛumt tura tekfa Yerna gussan iwaɛṛen Iɛemmed a t-nγen Ulac amkan yettağğa Yewweḍ ɣer Itergiyen Tamazγa meqwṛen Yezzi-yas-id s umata. Isekfel-d ayen yessen Gwakal i t-meḍlen D agerruj n llfeṭṭa D leqṛun fell-as uzzlen Yeqqim akken i yella D afezzim nn' iṛeqmen Wina t-tteqen Dihya. Ad ixdeɛ Ṛebbi kr' ixeddɛen Widak ineqqen D amdan neγ d tamedda Wwin yiwen seg yergazen Deg wid nni yfehmen Ajgu n llfeṭṭa Akken kan nebda nfehhem Tbedd-aγ deg yedmaren Nγant-id di ɛin Defla A Ṛebbi γur-k yewḍen Mneɛ-it deg wsawen Eg-as amkan di rehma Err-it seg Wid inewṛen Ad yaf i yfazen Axxam di Lğennet llaɛla.

— ✦ —

_{Yettwakkes-d deg udlis Awal n umedyaz" asebtar:8}

— ✦ —

_{Yura-t-id Amar Tafat}

— ✦ —

Tamedyezt tirawt

_{Anṣuf s tirza-nwen ɣer ublu-inu! Ur εeggzet ara ǧǧet-d awennit . Merci de visiter mon blog ! N’hésitez pas à laisser un commentaire.}