AWAL N TEQBAYLIT

Ayen neɣɣra nezmer ad as-nalles

Awal aqbuṛ d umaynut

Yenna-yas si Ccix Muḥend:

Lḥased i gḍuṛ d iman-is

Ulama lǧiha ur tt-issεi

Yenna si Muḥ u Mḥend:

Yeggul wul-iw s wurfan

F lεibad imaεfan

Ur ten-giɣ d lemḥiba

Agad n zik akw kfan

Wissen anda nfan

Wa di tmurt wa di lɣerba

Negwra-d seg wid am yilfan

Xaṭi bwin iṣfan

Lεeṛ feṛqent s lgelba!

Yenna-yas Ccix Muḥend:

Ay amezraε n tmeclac

Muqel mad ak-yetbeε yimɣi

Ay amelεab gar txenfyac

Labuda yiwet ad ak-tawi

Tiktiwin 

Tiktiwin abḥal n twiztin 

Beṛqent fkant-d Tafat, 

D igiman i d-yettasen 

Mi d-ffɣent yal wa tufat. 

Allaɣ n wemdan ur ikeffu 

Yiss agdud yerbeḥ yufat, 

Neɣ εad allaɣ iṣeḥḥan 

Ayen akk i d fkant yurat, 

Yekkes ɣef weɣref agu 

Yal amussnaw ma nessεat...

Amar Tafat 

Amdan yellan d uḥdiq d win yessnen taqbaylit 

asmi terbeḥ ddunnit; d win yettaṭafen deg 

wawal-is d tilist-is; d win ur nettbeddil ara am 

tata. Akken ula d tilawin, llan irgazen lɛali, 

llant tlawin tuḥdiqin, yessnen taqbaylit ad ak-

mmlent abrid ma yeɛṛeq-ak, akken qqaren, 

"llant lxallat tidak d tiden ixellun tagwnit 

iɛemmṛen, llant tlawin d tiden yettlawin"...

Publié par Amar Tafat · 21 h · 

Ticki nettutlay taqbaylit, ticki yelha usentel¹, ticki yella ttawil iwatan, ticki nufa lebɣi, awal ur ikeffu, lemmer ad nettmeslay ard-yali wass!

Awal yettawi-d wayeḍ ussan d wuḍan zerrin² am yeslagen³ d ddqayeq, tamussni tettazal am asif, yal awal amzun d idikel n twiztin yessɛan azal d ubaɣur! Wid yellan d imegziyen⁴, d uḥdiqen jemɛen awal n tmussni am win ileqḍen tazart d tayni⁵, ttasen-d ɣer yemɣaren i d-yecfan d widen yesṭeṛḍiqen taqbaylit, ttutlayen-tt s inumak, ttaṣki…

Afficher la suite