Amussnaw: Lewnis At Mangellat

Lewnis At Mangellat d yiwen gar imussnawen n teqbaylit n wass-a, yessefruy s weswir meqqren ɣef tmetti, d yidles d tsartit d tfelsuft. 

Yezga ittaga ayen yelhan d wayen isaffen di tmedyezt-is . Tizlatin-is timezwura yeccna deg yiseggasen yezrin di 70, alama tenniḍ-as "ass-a i tent-yega!". Tizlatin-is mazal teddunt akken iwata gar weɣref amaziɣ di yal tama, am netta am Lwennas Maεṭub, am Yidir, am Sliman Ɛazem, am waṭas n icennayen n teqbaylit. Lewnis icennu, yettmeslay taqbaylit tafṛensist tuttra i s-tefkiḍ ak-d-yerr fell-as s uεemmuṛ, awal-is d usefru-ines ssεan aswir meqwren. Yeccna aṭas n tezlatin(mačči d yiwet ad tt-id-nini), yeccna ɣef tayri, tadukli, tamussni, tafelsuft, tasertit, artg...

 «zik wa iheddeṛ-itt i wayeḍ, ass-a di lkaɣeḍ ad tt-id-afen ineggura».

Γef temsalt n tmagit d tutlayt-is tamaziɣt, send ad d-iban usengem n tutlayt n tmaziɣt netta yettaɣ lḥal yeccna ɣef tutlayt-is tamaziɣt(taqbaylit), mi tt-id-ibder bedden waman! Awal ɣef teqbaylit yezga deg izlan-is, imedyaten gten «a taqbaylit yecṛeq yiṭij yuli wass!», neɣ, «taqbaylit mačči yiwet, yal yiwen d taqbaylit-is», neɣ inzi i tent-yugaren, anda yenna «zik iheddeṛ-itt i wayeḍ ass-a di lkaɣeḍ, ad tt-id-afen ineggura».

Am wakken nezmer ad as-nernu azal, imi d yiwen wemdan iḥemmlen idles nezzeh, ɣas akken meqqer di tnuda(laεmeṛ), netta mazal yesnernay tizlit n teqbaylit, mazal icennu i uzayez-is, yettkemmil s immal, yeḍḥa-d di tmetti am umɣar azemni. Yuɣal yesnaɣ-aɣ tanumi, yal tikelt nettṛaǧu seg-s amaynut, i wakken ad nsell i tmedyezt n weswir εlayen. Nesarem-as affud iǧehden, d teɣzi n tudert, d ukemmel igerzen. 

Amar Tafat 

Arut-d tiktiwin nnwen ɣer tansa n email: Tamazight ass-a