Ṭahaṛ Ǧaɛuṭ amaru d uneɣmas

Amyaru i d-yufraren s tirrugza-s

Yezzi-d umulli n tmettant-is ass n 23 di magu 1993 i t-nɣan zdat wexxam-is di Baynam Ṭahaṛ Ǧaɛuṭ amyaru ameqqran n tmurt n Lezzayer.

Cfiɣ ɣef wasmi i d-yewweḍ usalli "nɣan amaru d uneɣmas ameqqran" n tmurt n leqbayel di taddart n Welxu beṛṛa n temdin n uẓeffun. Di temḍelt-is uliɣ armi d

taddart n Welxu, nufa taddart teččuṛ s waṭas n lɣaci, argaz tameṭṭut, nuṛǧa imken saɛa iwakken i ɣ-d-tṣaḥ nuba nẓuṛ-it-id. Yemmut umussnaw d umassan, yemmut uneɣmas, yemmut umedyaz d umaru, uḥdiqen s umata snezgmen deg umaḍal s umata, imi uḥdiqen ssnen gmat-sen uḥdiq. Netta yenna deg wawal-is yezgan deg imi-s d ticcert-is "ma tenniḍ-d ad temteḍ, ma ur d-tenniḍ ad temteḍ, meqqar ini-d temteḍ ay uḥdiq". Yessɛa tabɣest iqeddec s taktiwin ɣef tmurt-is, iwakken ad tbeddel ad tecbu timura, yekkes-as burr d tibbuhelt, yefka-yas tussna d tmussni akken ad d-tbin tessɛa uḥdiqen. Amdan yessεan aswir yumnen s tmussni d tussna ur as-yeqqaz aẓekka i tmurt-is, ur as-igezzem iẓuṛan-is, ur as-ittekkes ayen tesɛa, ur as-yessenqas deg wazal. Acku tamurt ma teɛya neɣ teḍɛef ad tt-rekcent tmura i as-d-yezzin, neɣ ad tidir d tamedlult ger yesetm-as.

«ma tenniḍ-d ad temteḍ, ma ur d-tenniḍ ad temteḍ, meqqar ini-d temteḍ ay uḥdiq»

Amar Tafat

Arut-d tiktiwin-nwen ɣer tansa n email: Tamazight ass-a