S tezmert n lεid nnwen
Asmi tella neyya qqaren-ak "aḥayek yeddal meyya", am wakken qqaṛen "At uxxam cedhan aksum Ṛebbi yefka-d nefqa", zik nni di taddart imdanen akk zellun lεid tameqqrant wa d ikerri wa d
aqelwac. Ikerri taqsiṭ-is meqqret acku zellunt kan wid yemden di tmeddurt d tdamsa, uma d widak yemden mgarrden, llan wid yesseεlafen ttḥezziben-as i lεid tameqqrant widak zellun di lεid taɣawsa yelhan, ikerri yeṛwan yilxelxen, llan imeṛkantiyen widak llan wid izellun akraren annect iεejmiyen, llan wid izellun alama d kuz(4), wiyaḍ ur nettṛebbi zellun kan akka ikerri s uzamul(symboliquement) ay akken yebɣu yili, u zik di taddart imdanen yakw d imɣiden(d ifellaḥen) ssεan tiqeḍεiyin n wulli, ma d wiyiḍ ma d wa yuɣ-ed tixsi akken as-d tarew akraren s wayes ara yezlu lεid-is d wid ara yezenz di ssuq a d ihelli amesruf s wayes ara yessεeddi kra n wussan. Am akken llan imeɣban zellun d iqelwacen neɣ akken i sen qqaren "iḥuliyen". zik imdanen s-umata di taddart ssεan aɣbel n lεid tameqqrant ad ččen ad ṛwun aksum ad rzun ɣer twellitin ad sent awin tiɣeṛdin, yal tawellitt tettalas taɣṛuṭ-is di lεid tameqqrant. Tura ibeddel zman d widen yessaεn yerna ur zellun ara am zik s-immal neqsen kra n wansayen ɣef lǧal n wazal(le prix) yettalin ɣer igenni, ikerri yewḍen semus5 n yefḍen(n imelyan) mačči menwala ad yezger fellas acku ɣer taggara-ya lǧiban qeṛṣen, ttṣefiṛen! Akken qqaren deg inzan "a d yeṛẓ Ṛebbi ammud n leɣla", akken ad idiren yemdanen di talwit.
Arut-ed tiktiwin nnwen ɣer tansa n email: Tamazight ass-a
Reviewed by Amar Tafat
on
juillet 26, 2020
Rating:
Aucun commentaire
Dites vos commentaires en toute démocratie seulement avec respect