Asefru n Si Muḥ u Mḥend

Asmi d irgazen ay nessen
D ṣellaḥ εussen
Isem-iw inuda-d laεṛac
Ur tufiḍ iy ixuṣṣen
Ger wat yiraten
D lwaldin ḥedd ma aɣ ulac
Tura imi d ussan εeksen
Ifadden-iw sussen
Nettak lemqud i warrac
✊✋✋✌
Ṣebḥanek a sidi buseḥab

Lwali buǧellab

Yerran zzit d lkuẓa

Win i tt yeččan tejreḥ tasa-s

Tdub ṣuṛa-s

Yewhem ṭbib di lmina

Ayen iga lmexṭaṛ d gmas

Lḥiɣ iḍ d wass

Deg idurar n Ɛenaba
✊✋✌

Atta-ya kra lembwansa

ay tceggeḥ fṛansa

yuɣal lbariz am camlal

ɣran akw di timussa

kul cci nnsen yemsa

lefḥel yeqwel-as d lehbal

win yessɛan mmis d-ameksa

ibeddel lebsa

yusa-d yettɛebbiṛ awal

♒📱🚻🌳📗

Arut-ed tiktiwin nnwen ɣer tansa n email: Tamazight ass-a