Tasɣunt, aɣmis, tiliẓṛi

Tasɣunt di tmura yuẓen ɣer zdat sedduyen-tt akken iwata, ttaken-as udem yelhan i wakken tesseɛyuy ara medden, s-immal s-immal ttqeṛṛiben ɣures s waṭas imeɣriyen, akken aɣmis, neɣ adeg, akken adlis, akken tiliẓṛi. Ad naf fernen-as-id imaggraden d yemyura imeqqranen d imussnawen yettwassnen di kra n tɣula, di cbaḥa rennun-as yal tikelt tugniwin icebḥen d ibidi-ines igerzen s waṭas akken ul n wemdan d wallaɣ ad senfun degs ur yelli d ɛeggu ara sen-ed yernu. Wid akk yettran tutlayt d yedles nnsen akka i ttagan, ttanin taɣawsa ara d ssuffɣen alama ur ixuṣ degs yiqiḥ, ara ttwalin medden. Ma d anda ddeggiren kan ur ẓṛin anda ṭeṛḍiqent, ttagan-ed tiɣawsiwin n menwala as tiniḍ mačči d idles nnsen, d alebɛeḍ n tmura kan akka keṛhen i wumi mehlen. Awfan m’ara neg tiɣawsiwin am tigi ad sent nefk udem nnsen iwatan am akken mehlen imussnawen n ddunnit.

📗📱🎬📰📺📡📠

Arut-ed tiktiwin nnwen ɣer tansa n email: Tamazight ass-a