Argaz lεali

Asefru

Neqqar "argaz lεali"

Nekwni niɣil d awal kan

Ziɣen d amdan zeddigen

Ur yelli d bu yilefḍan

Ur kin yettaweḍ s-axxam

Ur yeznuzuy deg urfan

Netta yeqqar-ed awal

Izerreε-itt yettuɣal d imɣan

Iteddu kan srid deg ubrid

Ma yeqqim iferren-as amkan

Yettawi tamussni ger wallen

Yettbadda d wemdan yelhan

Ma gwten yirgazen am wigi

Siwa i targit a yellan!

Netta yessugut deg yidlisen

D win yettnadin ɣef tmussni

Ayen akw ijeṛṛeb iwala

Deg wallaɣ-is ad ittezzi

Ur yettqezzib i tmara

Yeẓṛa d acu yeḍṛan iḍelli

Ur ikennu xas ad yexṣeṛ

Γures aya d awezɣi

Ittḥebbiṛ-as i uzekka

Ittxemim acu ara d-yini

Win yettrun a d yas ɣures

Acḥal isfeḍ imeṭṭi

Ma tweḥleḍ a k id yekkes

Ar ɣures ma terriḍ tamuɣli

Ur yettallel di lbaṭel

D axlenǧ i d yefka Ṛebbi!