Ccix Muḥend yenna

Asefru n Ccix

Yiwen wergaz yeffeɣ i yiberdan kkes-ed amek ur yenna Ccix, yettεennit irennu netta mazal-it deg yir awal-is, yeqqar kan "ad-nɣeɣ". Yusa-yas-ed usefru i Ccix yenna-yas:

A leflani...

A lmeṛqa n turrett

A yaṛeɣwal n tneqwlett

Irgazen xeddmen lxiṛ

Kečč telhiḍ-ed d ttbenεemmett

Ad nejmaεen lawleya

Ad ak zwin tiferrett

Bu tḥilett am tsilett

Tkerrez irden ur tent tett

Argaz iṛuḥ yewwit akken yeḥma, mi d tikli yewweḍ s-axxam-is iwala tekker-as tmes, dexxan d izubaq ttnernin, iṭeṛḍeq-as wecbayli n zzit yerɣa irkwel wexxam-is.

Yenna-yas daɣen:

Ad tedduɣ ad ttweṣṣiɣ 

lekber bab-is d lxali

am win isendduyen qeḍḍṛan

neɣ ajeǧǧig ilili

a win ɣef yeshel walluy

ḥader iman-ik di trusi

Awal-a yenna ccix d tamsirt i wid yebɣan ad yissin, yezga-d ɣef win yettarran iman-is meqqeṛ ɣef yemdanen i t yugaren, netta nni akken tebɣuḍ tessɛiḍ neɣ tessneḍ a d tafeḍ win ik yugaren, yif-it ma tedduḍ s talwiçt wala ma tetthumuḍ ɣef yemdanen, anagar akṛah ara d tmegreḍ