Lḥaǧ Sεid /amedyaz aqbuṛ

Tamedyezt taqbuṛt - amedyaz Lḥǧ Sɛid n Welma Gectun

Imedyazen qedcen di yal tallit di ṭṛad, neɣ di tegrawliwin. Amedya, di tegrawla n 54, aṭas n imedyazen i yellan i iqeddcen s tmedyezt-nsen, ula d aɣamaṛ yeεṛeḍ ad ten-iḥbes di leqdic-nsen. Taqsiṭ, ma ur skadbeɣ ara, di 56 sawlen-d iṛumyen i imedyazen ɣer uẓeffun akken ad ten-ibeḥḥet kumiṣaṛ. Yiwen umedyaz i ɣef ttallsen, Lḥaǧ Sεid n Ulama gectun, iṛuḥ s aẓeffun iεedda deg ubḥat. Iluεa-t Kumiṣaṛ, yella teṛǧman din-a, akk d imedyazen-nniḍen.

— Γef wacu tesefruyed a Lḥaǧ

Yerra-yas yenna-yas

— Sefruyeɣ ɣef Ṛebbi d Nnbi

Yenna-yas kumiṣaṛ

— Awi-yaɣ-d kra isefra

Yewwi-yas-d asefru-ya Lḥaǧ

I yuqa rebḥ Ṛrebbi 

Alama nudaɣ tiεfeṛt

Am win ittagwmen s uɣerbal

Lḥila mebɣir taččeṛt

Ma sekneɣ-as Nbi wṛumi 

Awer icfeε deg-i i laxeṛt

Lɣaci yellan din-a wten-as afus i lḥaǧ Sεid

Yenna-yasen kumiṣaṛ "acu i d-yenna?!"

Nnan-as "anεam a si kumiṣaṛ, ickeṛ-ikwen-id mliḥ". Kumiṣaṛ yettaḍṣa,  yumer . Ḍelqen-as-d i Lḥaǧ Sεid ur s-gin kra.

https://www.youtube.com/user/MrTafatamar