TAREWLA TESTUFA-D

Tarewla tenfeε bab-is

Ssugen(imagine)tura deg ugeffur-agi, d usemmiḍ, imdanen ad regwlen deg ixxamen-nnsen, meẓẓi meqqer, ur ẓṛin anda teddun, ur ttafen win ara ten-ijemεen, ǧǧan ixxamen-nnsen ittwahudden, cci-nnsen, d wayen ssεan, ur ssεin akud iwakken ad xemmlen lqecc-nnsen, am wakken nettaga mi ara ninig ɣer kra n umkan. Imɣaren ddeggiren iman-nnsen, wid izemmren zuɣuren-ten, tilawin s igerdan ɣef yiɣil d tfetust, yal wa yewwi ayen izmer, d tiɣawsiwin deg ifassen-is, teddun akk s tazzla, tazzla n trewla! D ta i tawaɣit, tawaɣit ur nessεi tufrat. S ani tetteddu? Attan tura am tkkennur n udfel, yettegririben, s immal s immal ad tettnerni, ger yiḍ d wass, alama tewweḍ d tisira. Neɣ am tmes mi ara tettenfufud, alama tegla s wayen yellan. Tasmuḍi d llaẓ senzafen, tiṛṣaṣin ad ttεeddint nnig iqerra, tileffuɣin ad ṭeṛḍiqent di yal tama,  ddexxan n tmes d ṛiḥa n lbaṛud s immal ttzidin, tugdi d trewla stufant-d, d aɣɣuru! Yettɣaḍ umdan yellan deg wakud am wa! Llan wid yettidiren akka msakit, amedya Ikraniyen.

Amar Tafat