Tutlayt n tmaziɣt di timawit

Dda Lmulud Mεemmri, yerra-d aman ɣer terga, targa tuɣal d asif, yega idlisen s wazal-nnsen ɣef tsekla taqbuṛt.

Γef akken walaɣ tutlayt ittewten s timawit¹, ladɣa tutlayt n tmaziɣt yellan d tutlayt-iw, tedder d timiḍwin(d leqrun) talluft-agi, maca tezga-d deg yiwen umekkan ur nelhi, ur nessefṛaḥ. Ayen ddren imaziɣen deg umezruy alqayan, ssefran, nnan, yiwen ur t-yuri, abaεda di tillay n teglest, d tallit talemmast. Kra ur d-yettɣima di tutlayt ur nettwaru. Kra n yifṛensisen(am general Haneautau, Auguste Mouliera, Bensdira, d Sidkawi) i d-ijemεen kra n yisefra iqburen, yecban Yusef U Qasi, d Si Muh U Mhend, d kra n tmucuha d yinzan i d-yeqqimen. Am akken neẓṛa, Dda Lmulud Mεemmri, yerra-d aman ɣer terga, targa tuɣal d asif, yega idlisen s wazal-nnsen ɣef tsekla taqbuṛt.

Ihi, imi tasekla timawit tettaṭaf kra n tallit kan, yewwi-d fell-aɣ akken ur ɣ tḍeṛṛu ara am wid istehzan deg yidles-nnsen, nekwni iwata as neg llsas s tira, a d-nejmeε ayen nessaweḍ deg wayen yellan d aqbuṛ, ad naru s waṭas akka ar zdat war ceḥḥa.