Aḥeq tidet

Abrid amaynut di tira i d-wwin iselmaden n tmaziɣt, nek asmi i t-walaɣ iεǧeb-iyi, acimi ur t-nettaɣ ara s umata?

Aḥeq tidet, imi win isawalen tidet,  akken qqaren : "ur ittdari ara", ayen iwala ad iḍuṛ, ad inebbeh fell-as, maca mačči kan ɣef kra n "ih, neɣ ala!". Amedya di tutlayt n tmaziɣt, llan wid i tt-ikerfen iwakken ad teddu, yili nekni ur ten-nettwali ara, nessikid kan wiyi i tt-yettalmaden, ma yella wanda cḍen. D anemgal wid ittalmaden teddun ad issinen, waεṛen kan wid issaεwajen, yili nutni meqqren, ssnen. abrid amaynut di tira i d-wwin iselmaden n tmaziɣt, nek asmi i t-walaɣ iεǧeb-iyi, acimi ur t-nettaɣ ara s umata? Nuɣ-it s tigwti, maca llan wid yugin, llan wid i d-yesnulfan iberdan-nniḍen, d talluft-a i ywata ad nefru, neɣ ad d-nutlayt fell-as, mačči d awal afesas ɣef ara nettemhuri! D aya i keṛhaɣ, mi ara nesberbir i tlufa, ad d-nesnulfuy uguren imaynuten, u ad nettzuxu negza, neɣ nzzur (nexcen), tigawt ilhan ur telli! Akken i d as-yenna win-a "tjaṛa deg iḥbiben i tella, iḥbiben ur d-sewqen ara".

Amɣar yessεan tarmit

Yenna-yak yiwen n umɣar yessεan tarmit "llan imdanen ssexṣaṛen kan, llan wiyiḍ ssewqamen kan, llan wid issexṣaṛen ssewqamen". Nek nniɣ-as "wid issewqamen kan, ur gwiten ara deg wakud-a, wissen ahat zik-nni", d wid itteṛhisen(les dévastateurs) i yegwten! Yenna-k "walaɣ, nwala!".

A.Tafat