Tadyant n 8 di magu

Tadyant n 8 magu 45, akken is qqaren "yugar reged lwaqef", neɣ "yugar win yeɣlin win ibedden!"

Ma a d-nesmekti ṭam di magu 1945, a d-nini d yiwen n umedṛu ameqqran, werǧin neḍṛi deg umaḍal, di Sḍif d Xeṛaṭa d Gelma, 45000 i yeɣlin di tmesbaniyin. Din ik qqaren deg inzi "yugar regedd lwaqef", fell-asen talwit d usgunfu di ǧennet. Timunnent n tmurt tettqam-d s wazal ameqqran mačči d azal amecṭṭuḥ. Ata usefru ttawin zik ɣef tedyant n 8 di magu n 45:

Taḥkayt yedṛan di Galma

Cfut a lεama
Ḥku-tt i ṭelba ad tt-nesxen
45 alef d lmuta
I tenɣa fṛansa
Am nutni am lmal-nnsen
Assen teɣli-d lxelεa
Ṛẓaget lmakla
Yeɣli yiṭij ɣef medden
Fṛansa tewḥel deg imi
Tettraḥ am uydi
Akken i tettnazaε
Mi d-tenna ad nemṛanji
D tifextin ara tandi
Tesegra-yaɣ-d di lexdaε
Lukan d ǧens lεali
Xilla i tečča di nnfaε
Teseqef-d les avions seg igenni
Tiɣil aɣ-d-tesexlaε
A caεb ṭfet di Ṛebbi
A ddunnit a d-ncafaε