Ttbeddilen medden ula ɣer wulac

Ad yili yiwen yelha ifazz, ad yuɣal ad ibeddel iseɣ s tkemmict n idrimen, ad isellem deg-s, ad yettu ayen iεeddan

Yiwen n umeddakel aṭas n iseggasen ur nemẓeṛ, yiwwas nemyagar nettqesiṛ, awal yettawi-d wayeḍ, armi i d-newweḍ ar da. Nniɣ-as
— Tettuḍ akk tutlayt nni n tmaziɣt ? Neɣ terriḍ-tt ar deffir n waεrur? Neɣ tgezmeḍ-as aqeṛṛuy-is?
Yenna-k
— Nek yidek ɣas nemyusan, maca ur neεdil ara taktiwin
Nek rriɣ-as
— Lemmer ur neεdil ara tiktiwin amek ara nili d imeddukal? Neɣ tettuḍ akk izri?
Yenna-k
— Ttbeddilen akk medden, ula d nek beddleɣ!
Nniɣ-as
— Ttbeddilen medden tiɣawsiwin d iselsa, maca nek akken lliɣ iyi-mazal, imenzayen n tmagit, d tutlayt, ur ttbeddilen, ur ttnuzen, ur ttwaǧawen.
Ma netta yenna-k
— Hada hewa leqmac ddih ula xallih!
Nek nniɣ-as di taggara
— Taεyiḍ kan a gma

A. Tafat