Tallit n ukellex

Negra-d di zman n ukellex, d leqlil n win iḥemmlen tidet...

1) Yella melmi ad d-tiniḍ tidet, ik-yerzan iyi-yerzan, ad tenddemeḍ anda ur tebniḍ fell-as,  drus ara k-id-isbeɣsen, wiyaḍ, wiyaḍ akk as-sberbren, ad wten tagest deg ucḍaḍ-nnsen, ad ilin maḍi wid ara d-iɣlin fell-ak! D tagi i d tamussni sɣur kra n imussnawen n taggara n zzman!

2) Mi ara ak-inin kra n medden : "yif-ik Ṛebbi", ittusemma, ɣas ur ttkemmil ara ɣer zdat. Tanfalit-a d tillist n umeslay ticki tella tɣawsa deffir, uzmir yugar yal taɣawsa. Ihi ma yili walebεaḍ sellen-as ad t-ig Ṛebbi d ulac, kečč ɣas d ureɣ iwumi i d-tberruḍ, ur k-sellen ara. Ewet aqeṛṛu-k ɣer lḥiḍ, ma ur tebɣiḍ ara!

3) Mi ara k-inin ɣef yiwen : "ur tent-ittɣummu ara!", yaεni yessεa tiḥeṛci-nni tabuhalt, neɣ am win ittandin tiqaṛacin ur tent-yettɣummu ara, ad tezzin din-a imerga d zeṛẓuṛ, d iεeẓwan, d teḥmamin, maca mi yessefqed ad yaf yiwet ur as-sneqben! Ad ittemḥerḥar ass kammel, ur as-yettaf ixef-is! Qqaṛen akka diɣen i win iskerkisen.

D irgazen d tlawin i yessawalen tidett, u tidett tessεa abaɣur, tessεa iseɣ...

A Tafat