Asuget n tira d tudert

Tutlayt n tmaziɣt iwata ad nettaru yiss ussan d wuḍan, wissen ma a d-tuɣal teɣri-s! 

D asullef iwakken ad nettaru yal ass, s tutlayt-nneɣ, maca aṭas ur neẓṛi ara acimi! Ar win igzan timsal, aya d amenzay, acku tutlayin s tira i ttilit, i ttidirent. Tutlayt n tmaziɣt iwata ad nettaru yiss ussan d wuḍan, wissen ma a d-tuɣal teɣri-s! Imi tutlayin yulin, nwala-ten akka imehlen imawlan-nsent, haten ttakken-as azal-is s uεemmuṛ. Wid d tid ittarun s waṭas, affud igerzen fell-asen/t, anef as inin wid yettarzen, akken bɣan, win messusen mačči d win i d-iqḍan, maca d tasusmi isawalen i wulac! Tutlayt am uxxam, iwata as d-teqḍuḍ yal ass, ass izeglen, atan qqimen iεeggalen i llaẓ agemmaẓ. Am rezgg i win i d-iqeṭṭun yal ass i iεeggalen n uxxam, tutlayt diɣen, am rezgg i wid d tid itt-yettarun yal ass, ayyuz agim 1000 iberdan fell-asen/t. Ma cḍaɣ surfet-iyi.

Tutlayt am uxxam, iwata as d-teqḍuḍ yal ass, ass izeglen, atan qqimen iεeggalen i llaẓ agemmaẓ.

Llan kra mi ara k-d-yaru kra n usalli ɣef tutlayt n tmaziɣt, ad t-id-yini di tazwara s tṛumit, neɣ s tutlayt-nniḍen tajenṭaḍt, ma tettɣiḍ-it ciṭṭuḥ tmaziɣt ad tt-id-yernu deg umḍiq wis sin. Mi ara nxeddem akka nekni acu ara d-inin wid ur tt-nḥemmel?! 

Dɣa win-a ur tt-nḥemmel ara as-teqqed tasa. Ur isteɣbil ara

Amar Tafat