Taddart n iṣeyyaden

Yiwet n taddart di zman amezwaru d iṣeyyaden akk, wa yettṣeyyid s tmekḥelt, wa s tqeṛṛacin, wa s tqilεin, wa s teblaḍin, wa s tnecabin.

Ẓidet tecriḥt n tsekkurt, s kra n win i tt-iεeṛḍen ur istehna ɣef tmeṣṣaṭ-is.

Ssεan tiẓgi d tameẓyant, tessεa azal n 500 n ifṛax, kra n yiwtal, kra n yilfan, d wayen akk izedɣen tiẓgi. Ihi nutni di 600 yid-sen, ttṣeggiden akk yal ass, yuɣal d ṣyada i d tafellaḥt-nsen, mi d-kkren taṣebḥit ɣer din kan. Yuɣal qeḍεen-as i ufṛux a d-yers, ma yuffeg sseɣlin-t-id, ma yers ṭṭfen-t-id. Ttṣeggiden akken yal ass armi teqerqer teẓgi,  yiwwas refden ifassen-nsen s igenni! Ifukk ufṛux! Nnan-as : "dayen tura, ugaren iṣeggaden ifṛax, eyyaw ad nebeddlet taḥirfat, feṛqet, yal wa ad yemhel ayen yessen, ma ulac ad tellaẓem, yerna ad inger ufrux di teẓgi". I syen akkin ukin-d di tnafa, uɣalen ɣer umahil n tidett, am nutni am medden s umata. Qqaren deg inzi iqbayliyen "d tagersa i d-yettawin irden d temẓin".

 Yerna qqaren diɣen imezwura : "ṣyada d tadduyt ssεant ṭṭira", s kra n win i tent-iseqdacen, ur tezgil twaɣit, ur iẓṛi uṣeyyad

tawaɣit ukud ara d-yemllil. Maca mazal wid i tt-yeṭṭafaṛen, acku "ẓidet tecriḥt n tsekkurt, s kra n win i tt-iεeṛḍen ur istehna ɣef tmeṣṣaṭ-is", akka i yella deg inzi aqbuṛ.

Qeḍεen-as i ufṛux a d-yers, ma yuffeg sseɣlin-t-id, ma yers ṭṭfen-t-id.

Amar Tafat