Amdan yessemɣuren iman-is

Tayi dɣa n temɣer d tuttra, seg umdan aḥerfi, ɣer umdan aḥerfi ! 

Nek win i-yicban ttidireɣ gar imdanen, ẓṛiɣ llan, maca llan wid ur neẓṛi ara nella gar-asen. Tin i tent-yugaren, i yessewhamen, d widak i ḥemmlen medden, d widak i ssalayen, yili nutni ur ẓṛin nella! Nekwni nella gar watmaten, nettmagar-iten; nettmeslay yid-sen; neqqar-asen ayen nessen; nekni nettagem-d ɣur-sen; nella yiss-n; llan yiss-neɣ; ur neḥsib iman-nneɣ d igelliden... Ttawin ɣur-neɣ tamussni akken i d-teffeɣ deg wallaɣ, war azewweq d txidas, neɣ tin n fabrika. 

Tayi dɣa n temɣer d tuttra, seg umdan aḥerfi, ɣer umdan! Amek ara rreɣ iman-iw d agellid, yili nek ur εniɣ ula d abrid-is?! Ulac agellid war adabu! Am wakken netturar zik tixxamin: Zaεma d argaz, d amsewweq; inehher akamyun, yessεa axxam, artg... hhhhh. Telha tidet. Tenniḍ-d awal d agellid?! Medden akk qqaren-d, yerna war ma gan-as tafriwin s iṣuṛdiyen. Ur iwata ad nettidir s tkerkas, yili nekni d iferrawen n useklu, ur newwiḍ d ifurkan, wala d aǧeder-iw. « Ur nettxebbic ur nettkerric» , « ur nettekkes iɣid i wuccen.», ur nettili deg tegnit n ṭiq. Ad nidir d iḥerfiyen war ma nessemɣur iman-nneɣ ɣef gma-tneɣ. Akken is-yenna yinzi : « Anwa i d gma-k ay azger?» Inna-as : « D win-a ukud kerzeɣ.»

Amar Tafat