Amek tebɣam ad nerbaḥ ?

Alɣem ur issikkid ara tizelgi-s

Nekkat deg wid-neɣ, neskan-d tizelgi-neɣ, baqi nettuɣal ɣer din, naεdel irkel, yiwen n uεekkaz i aɣ-inehṛen. Nessikid s lebεad aṭas, nettaǧa ayen yellan zdat-neɣ, am wakken s wallen i ntett, ur yelli s yimi. Nettceṭṭib akkin akka, ur iban d acu i nebɣa: Cwal ala, talwit ala, tagmat ala, tamaziɣt ala! Ur tettfakk ara temsalt-neɣ! 

Send ad meslayeɣ ɣef yiwen ad muqleɣ send iman-iw

Nekni s iqbayliyen nessikkid s lebεad, allaɣ nessεa, mi d-nesnulfa kra ad t-nerr ɣer deffir n uεrur-neɣ. Alama kan i nwala yeddem-it lbaz ɣer lεec-is. 

Yiwet n tikelt ttwaliɣ tiliẓṛi, azal n 20 n iseggasen aya, walaɣ Ilmaniyen seknen-d deg yiwen udukimunṭiṛ, amek i d-ttnadin lbiṭṛul s yiwet n tnaεuṛt akken tessεa ageṭṭum n wuzzal ibedd d asawen ɣef tkubtiṛt, rnan sneεten-d allal aqbuṛ s wayes i d-ttnadin aman ifellaḥen-neɣ, d-ageṭṭum n uzemmur yega am tṛuka, ɣur-neɣ i wwin tikti-ayi. Attan ihi!

Amar Tafat