AWAL N IMUSSNAWEN

Imussnawen d tmussnawin ttawin-d abeddel i tmettiyin, widen d tiden iεussen akud, teddun yid-s, wiyaḍ dm tiyaḍ ur ttfiqin, ur ẓṛin s anda ara rren, ttfeṛṛiǧen kan, am wakken ttṛaǧun ad d-yuɣal wakud ɣer deffir, yili akud d unegmu teddun kan ɣer zdat, tuɣalin ɣer deffir ulac, ad k-issiweḍ wakud ɣer wanda ur tebɣiḍ ad tawḍeḍ, asmi ara tawḍeḍ ad k-iεǧeb lḥal ad taḍṣaḍ yili kečč zik tugadeḍ-ṭ tɣunzaḍ-ṭ yagi.

 Llan imussnawen i d-yeqqaren tamussni-nnsen d aselmed d tallalt ɣef wudem n temdanit d tutlayt d tnaṣlit, llan widen ibexxlen ur k-id-yeqqar taɣawsa alama i k-yeṭṭef s waccaren-is, accaren-is am widen n tgerfa alama i d tessenser seg-k tiqetiḍin ara k tezuzen ɣef saεdd-nneɣ amcum! Nekwni taggara-ya d widen i niɣil d imussnawen, widen yerran acḍaḍ d asawen, widen yumnen s taɣawsa i deg neḍmeε ad d-qḍun ṣalḥa. Tebda-d ddunnit s yedrimen yuɣal nudef di tɣawsiwin n igwerdan, a d taɣeḍ ayen din n tɣawsiwin i wurar ma ɣur-k iṣuṛddiyen ad tent-tessmuquleḍ yal tikelt tumert ad d-tekcem allaɣ-ik, axiqi ad yafeg! Ma d uḥṛic d umassan yeznuzuyen tiɣawsiwin i wurar yezga-d am umsaltu ɣef win ara yxelṣen d win ara yeccḍen ad t iḥbek ɣer gar tuyat!