𝐈𝐌𝐑𝐔

Imru

Amar Tafat

Imru iteddu s tigzi

Awalen wa zdat wayeḍ

Isedduy-it wallaɣ d yiẓṛi

Di tferkit mellulen ijerreḍ

Yefka-d udmawen lεali

Yerna-d tamussni tεeṛṛeḍ

W'ur nuksan ḥed ma k-yini

Ishel wakken i tt-id-tmeyzeḍ

Beddeɣ ɣur-s yenna-yi:

Amek ttaruɣ di lkaɣeḍ?

D ameskar i yellan deffir-i

Allaɣ-is yeṛwa ur semmeḍ

D amaru yecban imɣi

Iǧuǧug ɣas di lkaɣeḍ

Amaru d bab n tmussni

Ma yegza ur ittecceḍ

Iqqar-d tidet s uskasi

Aṭas ɣur-s ara tlemdeḍ

Isikkid ittmeyyiz s tmuɣli

Γer imedyaten i d-yenbbeḍ

Kra din ittalles-as taɣuri

Isenṭaq-d ula d ablaḍ

Mačči menwala ad yesni

Awalen wa zdat wayeḍ

S weṣkay ṣeggmen tirni

Ttellin abrid ɣas yenneḍ

Imru ɣas yella ur yelli

Yurew-d allal ijeṛṛeḍ...

Γef usawal ttaruɣ nekki

Amzun s yimru d lkaɣeḍ

  ____Sɣur Amar Tafat____

https://www.facebook.com/amyaru20?mibextid=ZbWKwL