TALLIT N NISAN D TID I D-YERNAN FELL-AS

Tura diɣen, imuhal n unebdu ad bdun, ladɣa wid n tfellaḥt, am : tamegra n usaɣur(lqeṛḍ), uẓẓu n tebḥirin, tamegra n yirden(naεma) di ṣmayem.

Ass-a ad teffeɣ tallit n Nisan, 17 di magu, ad tezzi nessarem di lxiṛ. Sya d afella, ad kecment tillay nniḍen, ad d-rnunt tlata n tesbeεtin : 7 wussan n izegzawen, imir d 7 n iwraɣen, d 7 wussan n yiquranen. I syen akkin, tura ageffur ad yejlu, taqejmuṛt n magu tekfa, ad yebdu uẓɣal aqeṛḥan, akken qqaren deg inzi n Teqbaylit "aḥader yerra leqḍaε". Ḥader ɣef uẓɣal yekkaten ɣer yixef, twata-as temḍelliwt, ḥader diɣen ɣef tuqqsiwin, acku fṛuṛxen izerman d iḥermemuḍen. Amdan iwata ad issikked nezzeh, mi ara yeqqim di beṛṛa, neɣ mi ara ixeddem, izmer as-d-yeffeɣ kra n uḥeṛmemuḍ, d azrem neɣ d tiɣirdemt. Amdan tewwi-as-d diɣen, ad yini "hemma!"i yigerdan, akken ad nejemaεen deg zilan s axxam, alama d azizgu.
Tura diɣen, imuhal n unebdu ad bdun, ladɣa wid n tfellaḥt, am : tamegra n usaɣur(lqeṛḍ), uẓẓu n tebḥirin, tamegra n yirden(naεma) di ṣmayem. Syen ad d-ternu tallit tasemhuyt n lexṛif, ad d-wwent tbexsisin d tkeṛmusin, akked tẓuṛin, "awfan lexṛif xeṛfayen", akken i as-yenna wuccen. Mi yekfa lexṛif iqucc, atan yewweḍ-d "ḥeṛtadem", ad ldin igenwan, ad bdun igefran, ad tessew tmurt, ad tebdu tyerza, yekfa useggas. Akka i yettεedday useggas s uwitay n. Tmaziɣt (n teqbaylit), nessarem ad d-iglu s talwit d tumert.