Ulac tutlayt n ddiri - tutlayin akk lhant

Tutlayin akk lhant, s wazal-nsent, ulac tutlayt n ddiri. Tella kan yiwet n tɣawsa tessemgared-itent, tella tutlayt yeddren i d-ibanen refden-tt imawlan-is, tella tin ǧǧan imawlan-is, d nutni i d sebba n ɣellu-ines d tmettant-is. Ihi, yal tutlayt s wazal-is ɣer imawlan-is i tt-ittmeslayen; i tt-ittarun abaɛda. Amdan ittmeslayen s tutlayt-is, amedya Tamaziɣt, iwata ad tt-ilmed, ad tt-lemden warraw-is. Akka yal amdan ad yili s wazal-is, am netta am yidles-is d tutlayt-is. Yal amdan iwata ad iẓeṛ akka i tella tilawt, ulac tutlayt n ddiri, ulac aɣref n ddiri, ulac idles n ddiri; yewwi-d kan imdanen ad mqaddaṛen gar-asen, ad kksen akṛah gar-asen, yal yiwen ad yerr azal i wayeḍ, ulac win ara yekksen ayla-s i wayeḍ, ulac win ara iseɣlin ayla-s i wayeḍ. Yal agdud ad ibedd s wayla-s di ddunnit. Ma d iɣerfan zemmren ad ɛedlen gar-asen, yal wa ad ilmed tutlayt n wayeḍ, yal wa ad d-yagem tamussni ɣer wayeḍ, yal tutlayt s tmussni-is d tussna-s.

--------------------------------------------------------------------

Aucune langue n'est mauvaise.

Toutes les langues sont bonnes, elles ont leur valeur ; aucune langue n'est mauvaise. Une seule chose les distingue : il y a une langue vivante, transmise de génération en génération, et une autre abandonnée par ses parents, qui sont la cause de son déclin et de sa disparition. Ainsi, chaque langue a sa valeur pour ceux qui la parlent ; je l'écris toujours. Une personne qui parle sa langue maternelle, par exemple le tamazight, devrait l'apprendre, et ses enfants devraient l'apprendre. De cette façon, chaque personne aura de la valeur, tant par sa culture que par sa langue. Chacun devrait comprendre que c'est la réalité : il n'y a pas de mauvaise langue, pas de mauvais peuple, pas de mauvaise culture ; il suffit que les gens se respectent mutuellement, qu'ils se débarrassent de la haine, qu'ils respectent autrui, que personne ne prenne la propriété d'autrui, que personne ne détruise la propriété d'autrui. Chaque nation peut s'affirmer dans le monde. Quant aux peuples, ils peuvent être égaux, apprenant la langue de l'autre, s'enrichissant mutuellement de connaissances, chaque langue possédant son propre savoir et sa propre science.

Amar Tafat