At zik ttagan azal i wawal

At zik ttagan azal i wawal n umedyaz, neɣ n uḥeddad n wawal. I tura?

---

At zik ttagan azal i wawal n umedyaz, neɣ n uḥeddad n wawal. Mi ara teqqimeḍ d medden ggaren-d deg umeslay-nsen tinebdar n kra n imeskaren yettwassnen di tudrin, ad d-yalles awal i d-yenna yesεa azal, d inzi, neɣ d tanfalit, neɣ d kra n usefru, ittuǧerden deg wallaɣen n kra n wid ittmeslayen. Deg iseggasen n 80 ɣer da, aṭas i ybeddlen. Maca at tura zemmren kan ak-inin: "ameskar flan yessen ad isefru, neɣ yessuffeɣ-d adlis", ma d ayen i d-yenna umeskar yewwi-t waḍu. Acimi di tmura yuẓen ɣer zdat, ẓṛan d acu i d-yenna umeskar n udlis d amedyaz neɣ d kra, acku qqaren s tidet adlis, maca mačči kan ad t-yesεu di temkaṛḍit i cbaḥa d uziken. Wigi dɣa akka yettagan azal i tmussni, cubaɣ-ten ɣer wat zik ɣas akken ur ɣrin taqbaylit deg uɣerbaz, maca ɣɣran-tt s timawit. Amdan yuẓan yuẓa ay akken yebɣu yili ttawilat yesεa. D acu i diri d win-a yeččuṛen d ttawilat ur ilmid kra.

Amar Tafat