Tawwurt n useggas

Innan

Kra n yiḍṛisen i d-yettwakksen deg udlis "Ageffur n tefsut" sɣur: Amar Tafat . Yennayer ameggaz s umata

Yennayer

Akken nudaɣ ɣef Yennayer, ass amezwaru n useggas, ufiɣ d akken imdanen i t-isfugulen di tmazɣa, ama zik ama tura, ttagan-as asfillet ɣer wayen ilhan, ama s ṛeẓq ama s wawal. Mačči d regmat i ttergimen deg wass amenzu n useggas, acku am wakken ma iseqdec umdan igan n diri ass amenzu n useggas, aseggas nni ad ilint deg-s twuɣa s immal. Ad aɣ-iwafeq Ṛebbi ɣer llxiṛ : akken qqaren imezwura. Nessarem talwit d tmussni, tiyersi icudden ad tefsi, yal talluft ad tefru.

Awal s unamek

Anda tettedduḍ ay iɣzeṛ? Inna-yas : ad awḍeɣ alama d llebḥeṛ. Inna-yas : qqim kan din i telhiḍ Inna-yas : awah iḍaq llḥal dagi!

Inzi n teqbaylit

Neqqar deg inzi n teqbaylit : « Menyif ad tessεuḍ aεdaw-ik d izem, wala aḥbib-ik d ijjeḍ.»

---

Ini-d acu twalaḍ s uwennit. Tanemmirt Amar Tafat 06 janvier 2024

Aseggas ameggaz 2976