Yennayer twata fell-as tira d usfuggel

Ineḍṛi yesɛan azal

Yennayer

Ata yusa-d yennayer imaziɣen ad t-sfugglen am zik s imensi n seksu d uyaziḍ, yerna d ass n iɣimi n ixeddamen d warrac n uɣerbaz, ulac i yecban anect-a. Yennayer ameggaz s umata.

Seg zik, tazwara n useggas amaynut ɣer leqbayel, neɣ di tmurt n Lezzayer, d yiwen wass gar wussan di tlemmast n tegrest, i d-yettasen deg wass n mraw d sin 12 deg waggur janvier n iṛumyen, qqaren "zwir-as, neɣ gwri-yas" Azemz-a qqaren-as Yennayer, i d-yeqqaren "ass amenzu n useggas amaynut ɣer imaziɣen s umata" . Yennayer d aggur amezwaru deg useggas n yimaziɣen, irennu-d fell-as fuṛaṛ, meɣres, artg... Amezruy n Yennayer, llsas-is d tagelda i d-irbeḥ Cacneq di tis 12 di tmurt n Maṣeṛ. Yuɣal d agellid di 950 send M.Ɛ. Tiɣremt n Cacneq tusa-d deg Wemda n Siwa, din-a gten imaziɣen. Ass-n yega tameɣra tameqqrant seččen seksu d iyuzaḍ. Seg imiren ttalasen-as imaziɣen i wansay n umenzu n yennayer akk di tmazɣa, yeqqim-d ɣer tura, abaɛda ɣer leqbayel. Seg yimir i yebda usuneḍ d uwatay n yimaziɣen. Amar negadi yura ɣef uwatay amaziɣ akked d ineḍṛi n Yennayer.Seg imiren ttalasen-as imaziɣen i wansay n umenzu n yennayer akk di tmazɣa, yeqqim-d ɣer tura, abaɛda ɣer leqbayel. Seg yimir i yebda usuneḍ d uwatay n yimaziɣen. Amar negadi yura ɣef uwatay amaziɣ akked d ineḍṛi n Yennayer.

Qqaren daɣen, yennayer yessεa sin n wussan i tmezla n iyuzaḍ d imensi-ines, ibeddu ass n 11 alama d ass n mraw d kraḍ(13), ad naf imezdaɣ ttagan asmekti n yennayer, zellun-as iyuzaḍ. Yal amezdaɣ n taddart ad yeffren yiwen wass di kraḍ n wussan n yennayer: 11 neɣ 13. Kra izegwir, kra yettegwray, slid deg wass n 12. Deg wannect-a s umata imezdaɣ ttagan-as imensi s seksu d iyuzaḍ. Imensi n yennayer ɣur-s sa(sebεa) n iseqqiyen, lubyan leqbayel, lḥemmeẓ, laεdes, tajilbant, llba, ibawen, artg.., ayagi ttagant d llfal ameggaz(lεali) i wseggas amaynut.

—Gt.Yettwakkes-d deg udlis yura Amar Tafat "Udem amettan Taddart Tazelmat"

---

Anṣuf s tirza-nwen ɣer ublu-inu! Ur εeggzet ara ǧǧet-d awennit . Merci de visiter mon blog ! N’hésitez pas à laisser un commentaire.