Tafaska - Lɛid - asefru -

— Tafaska tameggazt —

Lεid telha d asmekti Di tmurt n yinselmen Di tmeẓyant zellun lewziεa Di tmeqqrant d akraren D yiwen n wansay icebḥen Ttemlilin deg-s watmaten Γas ur ttemlaεin ara Ass n lεid ad mɣafaṛen Tettekkes deg ɣilifen Tesizdig deg ulawen Lεid isem-is tadukli Ḥemmlen-tt akk iqbayliyen Cbaḥa-ines d iselsa Ttcebbiḥen akk medden Ay tt-ḥemmlen igerdan Ass-nni d tumert-nsen Ad d-nejmaεen ɣer wegni Tturaren s ilelucen Irgazen ffɣen-d di ǧamaε Kfan-d taẓallit-nsen Tilawin deg yixxamen Irgazen tfamit keččmen Yal axxam ad d-sersen lxiṛ Lqahwa d wayen ẓiden Imensawen-is s weksum Zellun ttnefiqen Ttzuṛun tiwellitin Tid iqeṛben d tid ibeεden Ula d tilawin tteffɣent Γer iẓekwan d iεesasen Γas ma nekni nedder Nettmekti-d wid yemmuten Lεid ɣef medden irkelli Am win isεan d win ixuṣen Amdan yellan d asaεi Ad iεiwen igellilen Di lεid ɣas yegwet umeṣṛuf Yiwwas mačči d ayen ixeṣṛen Ad d-yefk Ṛebbi ttawil S wacu ara tt-qablen medden ? Imeddukal d temddukal S tezmert n lɛid-nwen. 👉 Amar Tafat 🕊️

---

_{Anṣuf s tirza-nwen ɣer ublu-inu! Ur εeggzet ara ǧǧet-d awennit . Merci de visiter mon blog ! N’hésitez pas à laisser un commentaire.}