Tidukla Tadelsant Adrar n Fad , tafaska n tmedyezt

Ugar n yisallen _ plus d' infos

Tidukla Tadelsant Adrar n Fad : tsuddes-d tafaska n tmedyezt taẓṛigt tis 21 deg-s tajmilt i Tasaɛdit Yasin.

Tidukla Tadelsant Adrar n Fad tesuddes-d tifaskiwin n tmedyezt, am wakken tettarra tijmilin i yimeɣnasen d yimussnawen d tmussnawin di taɣult n tmussni d tussna n tmaziɣt. Ar deqqal n tejmilt n Lmulud n At Mɛemmeṛ, ilindi, tikelt-a atan tesuddes-d diɣen tafaska n tmedyezt d tsekla, ɣef waya tesuli azal s tejmii Massa Tasaɛdit Yasin, azal n 50 n yiseggasen aya netta d leqdic ɣef tutlayt n tmaziɣt di Fṛansa, di l'Inalco, di teẓṛigin Armattan, akked Dda Lmulud n At Mɛemmeṛ artg... Teɣzi n tudert i Tasaɛdit Yasin s tezmert n tzemmurt.

Afud igerzen i terbaɛt n Tidukla Tadelsant Adrar n Fad ɣef uzbu akked tebɣest n timmeɣnest ay sɛan ṭṭfen si melmi ur fcilen ara di leqdic ɣef usider n yidles n tmaziɣt ayen din n yiseggasen aya. Aṭas n tdukliwin tidelsanin i d-innulfan uɣalent ṛuḥent, yal ta d ugur i tt-isṛuḥen ur tban, maca llant tid yeṭṭfen, am yiɣmisen d tseɣnin deg iseggasen yezrin. Nessarem ad d-nulfun wid iqeddcen s wul d neyya ɣef yidles d tutlayt-nneɣ, acku mazal teḥwaǧ tutlayt d tnaṣlit imuhal ara tent-yessalin s webrid n tussna d usmeɣnes, imi d abrid n tigawt s wul mačči d ayen yebnan ɣef tkerkas d uɛebbuḍ. D ta i d tabɣest n yimeɣnasen yeṭṭfen di llaṣel.

• Sɣur : Amar Tafat

---

A wid yettarun, arut ur ttbeddat, a wid yeɣɣaren, eɣɣret, tamussni d agerruj.— Amar Tafat

---

---

_{Anṣuf s tirza-nwen ɣer ublu-inu! Ur εeggzet ara ǧǧet-d awennit . Merci de visiter mon blog ! N’hésitez pas à laisser un commentaire.}